今時今日搞優惠，唔比錢IT狗真係好易出事！今日網上就熱傳免費M記放題，事源就係Club SIM搞優惠，可以請朋友免費食M記，用家只需要登入特定連結，在登入Club SIM賬戶後，在M記店員面前輸入PIN碼，按確認後會跳到另一個顯示成功換領頁面，即可成功換到M記餐一個！
由於換領過程過於簡單，又未能讓M記店員輕易核實真偽，有網民看準這個漏洞，仿製另一個相同外觀的網頁，仿製網頁與官方設計非常相似，只要按下確認，就會去到另一個仿冒的確認頁面，相信大部份店員未有察覺網頁是仿冒，所以有不少市民成功換領套餐。
以下就是仿製的例子：
高階版假ClubSim網頁，相信M記店員難以分辨真假
現在，看來Club SIM發現出事了！優惠已經叫停，再進入真。Club SIM網頁已經寫活動完結了……….而個別麥當勞分店已經拒絕相關換領，未知Club SIM會如何補償真正的客戶呢？
活動叫停了….
有真Club SIM用戶在Club SIM FB投訴未能換到禮物
有人被拒絕換領，Club SIM表示會再作安排
小編十分擔心負責這個項目的IT狗安危，事件也反映出管理層可能不熟悉IT，草率地進行優惠活動，而鬧出笑話。其實加入一個Low-Tech的QR Code/Barcode進行換領核實，已經可以避免這次事件。當然，用假網頁去換領M記有機會觸犯「不誠實使用電腦」，大家還是乖乖付錢食M記吧！
